Qazaqstan Respýblıkasy Aýyl sharýashylyǵy mınıstrliginiń buıryǵy  №19-2/508

2015 jylǵy 1 maýsym, Astana qalasy Sýdy baqylaý men esepke alýdy normatıvtik-tehnıkalyq, sanıtarııalyq-epıdemıologııalyq jáne metrologııalyq qamtamasyz etý talaptaryn ázirleý, kelisý jáne bekitý qaǵıdalaryn bekitý týraly Qazaqstan Respýblıkasynyń 2003 jylǵy 9 shildedegi Sý kodeksiniń 83-babynyń 3-tarmaǵyna sáıkes buıyramyn: 1. Qosa berilip otyrǵan Sýdy baqylaý men esepke alýdy normatıvtik-tehnıkalyq, sanıtarııalyq-epıdemıo­logııalyq jáne metrologııalyq qamtamasyz etý talaptaryn ázirleý, kelisý jáne bekitý qaǵıdalary bekitilsin. 2. Qazaqstan Respýblıkasy Aýyl sharýashylyǵy mınıstrliginiń Sý resýrstary komıteti zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesiniń merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin; 3) osy buıryqtyń Qazaqstan Respýblıkasy Aýyl sharýashylyǵy mınıstrliginiń ınternet-resýrsynda ornalas­tyrylýyn qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasy Aýyl sharýashylyǵy vıse-mınıstrine júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Aýyl sharýashylyǵy mınıstri A. MAMYTBEKOV «KELISILGEN» «KELISILGEN» Qazaqstan Respýblıkasynyń Qazaqstan Respýblıkasynyń Investısııalar jáne damý mınıstri Ulttyq ekonomıka mınıstri ___________ Á. Isekeshev ___________ E. Dosaev 2015 jylǵy 15 maýsym 2015 jylǵy 03 shilde Qazaqstan Respýblıkasy Aýyl sharýashylyǵy mınıstriniń 2015 jylǵy 1 maýsymdaǵy №19-2/508 buıryǵymen bekitilgen Sýdy baqylaý men esepke alýdy normatıvtik-tehnıkalyq, sanıtarııalyq-epıdemıologııalyq jáne metrologııalyq qamtamasyz etý talaptaryn ázirleý, kelisý jáne bekitý qaǵıdalary 1. Jalpy erejeler 1. Osy Sýdy baqylaý men esepke alýdy normatıvtik-tehnıkalyq, sanıtarııalyq-epıdemıologııalyq jáne metrologııalyq qamtamasyz etý talaptaryn ázirleý, kelisý jáne bekitý qaǵıdalary (budan ári – Qaǵıdalar) Qazaqstan Respýblıkasynyń 2003 jylǵy 9 shildedegi Sý kodeksiniń (budan ári – Kodeks) 83-babynyń 3-tarmaǵyna, «Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasy Kodeksiniń (budan ári – Densaýlyq kodeksi) 12-babynyń 4-tarmaǵyna, «О́lshem birligin qamtamasyz etý týraly» 2004 jylǵy 7 maýsymdaǵy Qazaqstan Respýblıkasy Zańynyń (budan ári – Zań) 8-babyna sáıkes ázirlendi jáne sýdy baqylaý men esepke alýdyń normatıvtik-tehnıkalyq, sanıtarııalyq-epıdemıologııalyq jáne metrologııalyq qamtamasyz etý talaptaryn ázirleý, kelisý jáne bekitý tártibin anyqtaıdy. 2. Sýdy baqylaý men esepke alýdy normatıvtik-tehnıkalyq, sanıtarııalyq-epıdemıologııalyq jáne metrologııalyq qamtamasyz etý júıesi ulttyq standarttardy, sanıtarııalyq-epıdemıologııalyq qaǵıdalardy, ólshemderdi oryndaý ádistemelerin qamtıdy. 3. Sýdy baqylaý men esepke alýdy normatıvtik-tehnıkalyq, sanıtarııalyq-epıdemıologııalyq jáne metro­lo­gııalyq qamtamasyz etý talaptary Qazaqstan Respýblıkasy bekitken halyqaralyq sharttarǵa sáıkes ázirlenedi. 4. Osy Qaǵıdalarda mynadaı negizgi uǵymdar paıdalanylady: 1) jer qoınaýyn zertteý men paıdalaný jónindegi ýákiletti organ – jer qoınaýyn geologııalyq zertteý, utymdy jáne keshendi paıdalaný salasynda memlekettik saıasatty iske asyrý jáne baqylaý jónindegi fýnksııalardy, sondaı-aq Qazaqstan Respýblıkasynyń zańnamasynda belgilengen jer qoınaýyn paıdalaný salasyndaǵy ózge de fýnksııalardy júzege asyratyn memlekettik organ; 2) sý qoryn paıdalaný jáne qorǵaý, sýmen jabdyqtaý, sý burý salasyndaǵy ýákiletti organ (budan ári – ýákiletti organ) – eldi mekender sheginen tys jerlerde sý qoryn paıdalaný jáne qorǵaý, sýmen jabdyqtaý, sý burý salasyndaǵy basqarý men baqylaý fýnksııalaryn júzege asyratyn memlekettik organ; 3) tehnıkalyq retteý jáne metrologııa salasyndaǵy ýákiletti organ – tehnıkalyq retteý jáne metrologııa salasyndaǵy memlekettik retteýdi júzege asyratyn memlekettik organ. 5. Memlekettik metrologııalyq baqylaý júzege asyrylatyn salalarda qoldanylatyn ólshemderdi oryndaý ádistemeleri mindetti metrologııalyq attestattalýǵa jáne ólshem birligin qamtamasyz etýdiń memlekettik júıesi tiziliminde tirkelýge tıis. 6. Zańnyń 17-babynyń 3-tarmaǵyna sáıkes ólshem birligin qamtamasyz etýdiń memlekettik júıesiniń tiziliminde tirkelgen jáne salystyryp tekserilgen sýdy baqylaý men esepke alý aspaptaryn qoldanýǵa ruqsat etiledi. 2. Sýdy baqylaý men esepke alýdy normatıvtik-tehnıkalyq, sanıtarııalyq-epıdemıologııalyq jáne metrologııalyq qamtamasyz etý talaptaryn ázirleý, kelisý, bekitý tártibi 7. Sýdy baqylaý men esepke alýdy normatıvtik-tehnıkalyq, sanıtarııalyq-epıdemıologııalyq jáne metrolo­gııalyq qamtamasyz etý talaptaryn ázirleý Kodekstiń 83-babynyń 3-tarmaǵyna, Densaýlyq kodeksiniń 7-1-babynyń 2) tarmaqshasyna, Zańnyń 5-babyna, sanıtarııalyq qaǵıdalar men gıgıenalyq normatıvterge sáıkes júzege asyrylady. 8. Sýdy baqylaý men esepke alýdy normatıvtik-tehnıkalyq, sanıtarııalyq-epıdemıologııalyq jáne metrologııalyq qamtamasyz etý talaptaryn ázirleý kezinde ǵylymı-zertteý, tájirıbelik-konstrýktorlyq, tájirıbelik-tehnologııalyq, jobalaý jumystarynyń nátıjeleri, patenttik zertteýlerdiń nátıjeleri, otandyq jáne sheteldik ǵylymnyń, tehnıka men tehnologııanyń zamanaýı jetistikteri týraly aqparat paıdalanylady. 9. Sýdy baqylaý men esepke alýdy normatıvtik-tehnıkalyq, sanıtarııalyq-epıdemıologııalyq jáne metrologııalyq qamtamasyz etý talaptaryn bekitýdi: 1) jer qoınaýyn zertteý men paıdalaný jónindegi ýákiletti organ ýákiletti organmen jáne halyqtyń sanıtarııa­lyq-epıdemıologııalyq salaýattylyǵy salasyndaǵy ýákiletti organnyń vedomstvosymen kelisim boıynsha jer asty sýlaryn baqylaý men esepke alý máseleleri boıynsha normatıvtik-tehnıkalyq aktiler jobalaryn daıyndaý sheńberinde; 2) ýákiletti organ halyqtyń sanıtarııalyq-epıdemıologııalyq salaýattylyǵy salasyndaǵy ýákiletti organnyń vedomstvosymen kelisim boıynsha jer ústi sýlaryn baqylaý men esepke alý máseleleri boıynsha normatıvtik-tehnıkalyq aktiler jobalaryn daıyndaý sheńberinde; 3) ýákiletti organ tehnıkalyq retteý jáne metrologııa salasyndaǵy ýákiletti organmen kelisim boıynsha sýlardy baqylaý men esepke alýdy metrologııalyq qamtamasyz etý jónindegi normatıvtik quqyqtyq aktiler men normatıvtik qujattar jobalaryn ázirleý sheńberinde; 4) halyqtyń sanıtarııalyq-epıdemıologııalyq salaýattylyǵy salasyndaǵy ýákiletti organnyń vedomstvosy ýákiletti organmen jáne tehnıkalyq retteý jáne metrologııa salasyndaǵy ýákiletti organmen kelisim boıynsha sýdyń sanıtarııalyq-epıdemıologııalyq jaı-kúıin baqylaý men esepke alý máseleleri boıynsha normatıvtik-tehnıkalyq aktiler jobalaryn daıyndaý sheńberinde júzege asyrady. 10. Sýdy baqylaý men esepke alýdy normatıvtik-tehnıkalyq, sanıtarııalyq-epıdemıologııalyq jáne metrologııalyq qamtamasyz etý talaptary qamtylatyn normatıvtik-tehnıkalyq aktiler jobalaryn osy Qaǵıdalardyń 9-tarmaǵynda kórsetilgen ýákiletti memlekettik organdarda qaraý jáne kelisý merzimi otyz kúntizbelik kúnnen aspaıdy. Buıryq Qazaqstan Respýblıkasynyń Ádilet mınıstrliginde 2015 jylǵy 4 tamyzda Normatıvtik quqyqtyq kesimderdi memlekettik tirkeýdiń tizilimine №11836 bolyp engizildi.